السلام عليكم و رحمة الله وبركاته

الي يتابعني على سناب شات، شاف اني دُعيت لمركز ألور و عند د. زياد

و كنت ناويه أصور فيديو يجيب فيه دكتور زياد على الأسئله اللي تدور في بال كل بنت

و اذا خلصت من الفيديو بتلقونه في نهاية التدوينه ان شاءالله

البدايه / مركز ألور

أولاً / المركز جديد، ما كمل 5 شهور. نظيف و هذا أهم شيء عندي

رحت مره لمركز تجميل معروف و جاني اكتئاب من الوضع الكراسي كيف متقطعه ! و من مظهر الجدران أيضاً

ثانياً/ الممرضات حبوبات و يردون على أجوبة البنات اللي كانوا خايفين من الإبره ! ( أنا ) نشبت لوحده أحقق معها عن مستوى الألم.

ثالثاً/ في قسم خاص للفي آي بي للي حاب خصوصيه و هدوء و حمام مستقل أيضاً

رابعاً / التصميم و الديكورات عصريه و مميزه

ثانياً / دكتور زياد العبيد

و هذي أهم نقطه!

أولاً/ دكتور زياد دقيق جداً و بسرعه شاف وجهي و عرف وش يبي لي.

ثانياً/ ما كثر لي أشياء آحتاج أسويها ، ركز على الأمور اللي تضايقني و أخذها بعين الأعتبار و أعطاني رأيه الصريح

ثالثاً/ يده ماشاء الله تبارك الرحمن خفيفه!!! ماحسيت بأية ألم يذكر. الا في خدي اليسار ماعرف ليش؟

رابعاً/ أقترح علي مكان في وجهي يتضبط و فعلاً كان مهم جداً وشفت فايدته الفوريه!!!

خامساً/ الدكتور له عيادات في مراكز كثيره بس الآن عنده هذي العيادة المستقله

ثالثاً/ وش سويت بالضبط ؟

سويت بوتوكس و فيلر

أولاً

البوتوكس كانت في جبهتي عشان نرفع حواجبي شوي! و هذا الشيء اللي كنت أبيه مره!

و كان مضايقني قرب حواجبي لعيني و كنت أبغى مساحه أكبر و أبي عيوني تبين مصحصحه أكثر

ثانياً/ الفيلر لمكانين لوجهي! أفترح علي دكتور زياد يحط لي شوية فيلر أعلى خدودي عشان يرفع لي اياها شوي و يعطي وجهي مظهر أحلى

و فعلاً كانت النتيجه فوريه و زي السحر! صارت خدودي أنعم و أحلى و مظهر وجهي أجمل عشان رفع الخد

و سويت فيلر ايضآ حوالين الفم عشان خطوط الابتسامه تروح

-ملاحظه: اليوم حطيت مكياج و فعلاً بان الفرق ! الوجه صار أحلى و الحواجب مرتفعه ارتفاع جميل و ناعم مع ان نتيجه البوتوكس تبان بعد اسبوع على الاقل و الي شافوني علقوا اني فعلاً محلوه

و مظهر الفادونديشن صار أحلى خصوصاً ان الخطوط الي حوالين الفم خفت كثير الحمدلله

رابعاً/ رأيي

أنا أنصح و بشده أي وحده حابه انها تبدأ تهتم في نفسها تروح لدكتور كويس، له سمعته الكويسه و شهادته مضمونه

لا تروحين لأي أحد عشان أي شي يخص صحتك و خصوصاً وجهك

ضروري تسآلين زين و تستشيرين الدكتور الي تختارينه

شخصياً/ تجارب البنات جداً مهمه! و شخصية الدكتور و سمعته و خبرته مهمه بعد!

ف لما تكونين مرتاحه لدكتور معين و حابه شغله على أحد روحي و انتي متطمنه و متوكله

عني/ لو بعيد التجربه بروح لدكتور زياد بدون تفكير

دكتور ثقه و أمين و جدّي جداً في شغله

يده خفيفه ماشاء الله و سريع و كان صريح معي في استشارتي له

وهذا كان كل الي ابي اقوله!

راح يكون في تدوينات قادمه أعطيكم رأيي بنتائج البوتوكس و الفيلر بعد فتره من الوقت

أحبكم

أُورا