Tea Tree Oil زيت شجرة الشاي

Tea Tree Oil زيت شجرة الشاي

 

 

 

 

السلام عليكم و رحمة الله وبركاته،

 

حكيت برمضان على سناب شات على زيت شجره الشاي و أهميته في حياتي

و أنه مفروض يكون عند أي وحده تدور على الطبيعي و المفيد بنفس الوقت

 

و كثير جاني تفاعل على هالموضوع، و أن زيت شجره الشاي بالفعل من أهم الزيوت الطبيعيه عند أغلب البنات !!

ليش ..؟ هذي التدوينه عشان هالموضوع

 

1_MG_3352

1_MG_3453

 

1- يحارب البثور 🙋🏽

من أهم عناصر الزيت، أنه مضاد للالتهابات و من أحلى الطرق اللي بحثت عنها و لقيتها انك تاخذين بقطنه نقطه صغيره او نقطتين بالكثير من زيت شجره الشاي و اخلطيها مع  زيت جوز الهند اللي راح يخفف لك الزيت و يهديه شوي لأن زيت شجره الشاي قوي جداً و ذو رائحه نفاذه! ف نقطه وحده تكفي

عن نفسي ماجربتها لأني ما أعاني من حبوب الحمدلله، لكن بجربها مع الحبه الشهريه 😝

بالعاده استخدم على الحبه اللطيفه هذي نقطه صغيره من ماسك طيني مطهر بس أظن ان زيت شجره الشاي راح يسهل هالطريقه ! راح اجربها ان شاء الله و أوافيكم بالأخبار على سناب شاتي 👻


1_MG_36331_MG_36311_MG_3635

2- تعقيم فرش الأسنان 🌬

 صورت لكم ب ستوري انستغرام، كيف عقمت فرشة أسناني في زيت شجرة الشاي.

كل اللي سويته، خلطت مويه مع نقط من الزيت و حركته بالمويه شوي وبعدها شطفته و خليت الفرشه تجف شوي

تسوينه كل أسبوع و الفرشه يفضل تغيرينها كل 3 بالكثير او حسب اهتمامك بالفرشه و أسنانها


1_MG_3638

3- تعقيم رائحه المنزل 💫

أحب احط قطره الى قطرتين في فواحتي المائيه عشان أعقم ريحة البيت من أي ريحه غير مرغوب فيها! لو ريحه طبخ مثلاً راح تقتلها بسرعه و تغير ريحه البيت لريحه منعشه! خصوصاً لو أضفتي معه قطرات من زيت الليمون او غيرها

 

هذا فيديو في قناتي بيوتيوب يوريكم طريقتي بتعطير بيتي 😍


 

4- لحمايه شعر الأطفال من عدوى الحشرات 💇🏽  ، و لتنظيف عميق لفروة الرآس

و هذا أهم سبب خلاني أتعرف على زيت شجره الشاي! ان الحشرات ماتحب ريحته نهائياً و استخدامك له يومياً قبل يروحون أطفالك للمدرسه يحمي شعرهم بإذن الله من انتقال اي حشره لهم.

طريقتي هي: كل صبح بعد التمشيط، استخدم بخاخ ( مويه مع قطرات من زيت شجره الشاي ) و أبخ فيه شعورهم كل يوم ! هذا أيام المدارس

و الحمدلله جداً مرتاحه ❤️

و لو أصابهم عدوى، ف استخدامك لزيت شجره الشاي مخلوط مع حنّا مثلاً او زيت طبيعي مثل زيت الأفوكادو أو زيت الزيتون راح تقضين عليهم و تحافظين على شعر أطفالك و صحتهم لأنك ما استخدمتي الكيماويات اللي يبيعونها بالصيدليات 👏🏼

و أيضاً ممتاز لو استخدمتيه على فروة راسك بتخفيفه مع شوية مويه و أفضل يكون مع أعشاب مثل السدر ينظف لك

بسرعه و يعقمها و تاخذ كثير من فوائد السدر


و له أيضاً استخدامات كثيره بس ما جربتها، مثل عضات الحشرات ( النمل و غيرها ) و لتنظيف غساله الملابس

و بكذا انتهينا من التدوينه، اتمنى تستفيدون منها

تابعوني على انستغرامي WhatAuraLoves

و سناب شاتي و تويتر بنفس الإسم عشان نكون على توصل 👋🏽

أحبكم ❤️

FullSizeRender

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s