رتبي أجندتك مع أُورا و أجنداتي القديمه Plan with me using The Happy Planner

رتبي أجندتك مع أُورا و أجنداتي القديمه Plan with me using The Happy Planner

 

 

السلام عليكم و رحمة الله وبركاته٬

كيفكم بنات؟

الأجندات طلعت بالفتره الأخيره بقوه، و صار التركيز عليها عالي خصوصاً بعد فتره طويله من استخدام الجوال في ادخال المواعيد و ترتيب    المهام. و كثير بنات يستخدمون الكتابه في ترتيب مواعيدهم و و يستخدمون المذكرات اليوميه ف هنا مو جديده عليهم أبد.

طريقتهم الأسهل هي الكتابه و ان كل شي يكون واضح قدامهم

عن نفسي ما استخدم المذكرات ابد، بس استخدمت الاجنده أيام حملي عشان ارتب مواعيدي حقت المراجعه و يكون كله سهل علي اتذكرها

طبعاً هالموضوع قبل الايفون و قبل سهولة الجوالات اللي الحين ههههه

ف الأجنده مو جديده علي بس الجديد اهتمام الناس الجديد لها

و كيف ان الأجنده تطورت من ناحية الشركات الجديده اللي طلعت و كانت مختصه لجمهور الأجنده والمحبين لها

عموماً

هنا بعض الصور لآجنداتي القديمه

1_MG_2889.jpg

 

1_MG_2901.jpg1_MG_2900.jpg

 

هالأجندتين أقدم شي عندي، قبل 6 او سبع سنين

أخذتها من محل كاربيسا أيام ما كان فاتح ب صحارى، و هالنوعيه من الأجندات تخلي لك حريه تغيير الورق كل سنه

و الإحتفاظ بالدفتر لحاله ف كذا توفرين

عني أنا أحب احتفظ بكل أجنده عشان تحمل لي الذكريات اللي صارت بالسنه حقتها

ف زي ماتشوفون الأجندات عندي للحين الحمدلله

و زي ماقلت لكم استخدمتها وقت حملي عشان كثره المراجعات

و من بعدها حبيت الفكره و صرت أحرص عليها

 

1_MG_2895.jpg1_MG_2896.jpg

1_MG_2898.jpg1_MG_2897.jpg

و هنا ذكرياتي القديمه ههههه شوفوا كيف مزينه الآجنده و حاطه قائمه بالأشياء اللي لازم اشتريها للبيبي و لي 🙂

شوفوا التواريخ كم كانت يالله

والله الحين و انا اتفرج استرجعت بعض الذكريات

الحمدلله 🙂

1_MG_2906.jpg

 

بعدها استخدمت هذي للعمل ، و ما اتذكر من وين اخذتها صراحه! يمكن من جرير؟

ماعرفت كيف ازينها لو تشوفونها من جوا عمليه جداً بس كانت على وقتها قائمه باللي هي مفروض تسويه

و كنت اكتب فيها كل شي مهم و لازم اني اتذكره

 

زي ماتشوفون حجمها ما يساعد ! لا هي اللي أكبر ف تصير أجنده مكتب و لا هي اللي أصغر ف تصير أجنده الشنطه

هذي أتوقع أكبر المعوقات ! غير ان الورق حقها جودته غير ممتازه!

 

1_MG_2902.jpg

 

1_MG_2903.jpg1_MG_2904.jpg

بعدها بكم سنه جت الطفره و اخذت هذي الأجنده من كيت سبيد

تطور شاسع بين الأجندات اللي قبل و هذي

حبيت حجمها Medium Agenda

ممتازه للشنطه و للبيت بعد

بس كنت استخدمها للبيت اكثر شي عشان لونها مايتغير علي

أنيقه جداً و فيها اقتباسات جداً جميله

 

بس ما كنت افكر اخذها مره ثانيه لعدّه أسباب أهمها:

ان الأجنده مو مريحه بالكتابه

و اني لا ما قدرت ازينها زي ما أحب

 

ف فكرت بأجندها تعطيني حريه أكبر خصوصاً زي ماتشوفون اني كثير أحب ازينها و أحط لمساتي عليها

1_MG_2771.jpg1_MG_2773.jpg1_MG_2775.jpg

 

 

 

ف أجنده The happy planner

أعطتني الخيارات اللي أتمناها ! خصوصاً مساحه الإبداع الأوسع فيها

ألوان الصفحات و الاقتباسات اللي فيها و تناسقها شي خيالي

غير ان عندهم مفهوم ان انتي ترتبين الأيام حسب اللي تشوفينه مناسب

و هذا اللي خلاني آخذها

 

عندهم بالموقع أنواع غير بس هذي اللي ناسبت ميولي حالياً

هذا موقعهم الأساسي

Me and My big Ideas

و هنا لنك الأجنده حقتي

 

Best day planner

 

 

1_MG_2781.jpg1_MG_2783.jpg

 

إعلان الهديه الثانيه 

 

الهديه هذي بخصصها لمتابعاتي بيوتيوب

ف عشان تدخلين السحب لازم تكونين مسويه اشتراك للقناة بس :*

و حاطه تعليق تحت الفيديو عشان اشوفه 🙂

والإعلان عن الفائزه والسحب بيكون على سناب شات

يوم السبت 30 ابريل

 

خليكم بالقرب

tumblr_static_flowercrown_galaxy_alien_emoji.png

أحبكم

نوره
للتواصل/

email/ WhatAuraLoves@yahoo.com
twitter/ @WhatAuraLoves
instagram/ @WhatAuraLoves
Snapchat/ WhatAuraLoves

Advertisements

5 thoughts on “رتبي أجندتك مع أُورا و أجنداتي القديمه Plan with me using The Happy Planner

  1. الأقلام اللي استخدمتيه جاي مع البكج ولا لوحدهم ؟ وإذا لا من فين أخذتيهم ؟

    شكرا لك على الالهام حمستيني أرجع أستخدم الأجندة.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s