ادرسي ب ذكاء و ليس ب جهد الجزء الثالث و الأخير

ادرسي ب ذكاء و ليس ب جهد الجزء الثالث و الأخير

1_MG_0566

كيف نراجع ؟؟

كيف نستدعي الذاكره ب أفضل جوده ؟

مثل ما احنا عارفين .. عندنا نوعين من الذاكره ،، قصيرة المدى و طويلة المدى

قصيره المدى مثل لما نحاول نحفظ رقم مو مهم مره بس نحتاجه للاتصال بالوقت الحالي

و طويلة المدى مثل لما نحفظ رقم جوال مهم بالنسبه لنا

كيف تحفظون الرقمين ؟ اكيد بطريقتين مختلفتين .. والا ؟

الأول مانحتاجه لوقت طويل و لانحتاج نستدعيه من الذاكره الا حالياً

الثاني العكس ! ف نظل نتدرب عليه و نرفع صوتنا واحنا نحاول نتذكره و نكتبه كذا مره و هكذا ،،

ملحوظه!

عشان كذا اخطر شي المراجعه قبل دخول لجنه الاختبار .. راح تبقى المعلومه بالذاكره قصيره المدى و راح تتعب اكثر لاستدعاء الي ذاكرته قبل ب فتره واللي هو 90 بالميه من المذاكره !

نكمل

مثل ما كتبت امس .. من الامور الي تساعد على ادخال المعلومه بجوده عاليه للعقل .. المذاكره بالقلم و بالصوت العالي

ازيد عليها كم شي استفدته من الكتاب ومن معلومات خارجيه

حولي تعريف مهم لاغنيه ،، عطيها شوي قافيه و حاولي تغنينها .. راح تثبت بعقلك

ثانياً المذاكره لشخص اخر .. هالشي ينشط خلايا بعقلك لانك حاب توصل المعلومه بأفضل طريقه ف تثبت اسرع

ثالثاً استخدام طرق ملتويه هههه زي ايش ؟

علك معين تستخدمه وقت المذاكره وترجع تستخدمه وقت الاختبار

رابعاً عطر معين تستخدمينه وقت المذاكره وترجعين تستخدمينه وقت الاختبار

هالامور تساعد كثير ان شاء الله بعد توفيق الله

طيب ليش؟

للعقل سبعه انواع ذكاء اساسيه !

أغلب الناس يستخدمون نوعين بالكثير وقت المذاكره وهالشي طبعاً يحد من استخدامك لكل حدود عقلك اللي اعطاك الله اياها

ف مثلاً ..

الذكاء اللغوي و الموسيقي تقدرين تألفين اغنيه او قصيده بكلماتك

الذكاء المرئي و المكاني لما ترسمين صوره تشرحين فيها

ذكاء التواصل مع الآخرين و الذاكره اللغويه لما تدرسين صاحبتك

الذكاء الحركي و الجسدي لما تستخدمين يدينك بالمذاكره والشرح ولما تكتبين بيدك اللي فهمتيه

شي مهم

تلخيصك هاتيه معك للسرير قبل النوم .. العقل يتذكر اخر الاشياء الي دخلته قبل ينام عشان يراجعها وقت النوم

ف جربيها 🙂

————

وش أهم الاشياء اللي تسوينها قبل الاختبار و وقت الاختبار ؟؟

النوم الكافي .. طبعاً سمعناها كثير ،، بس اذا مانمتي عقلك راح يشتغل على الاحتياطي و راح تكونين متنحه جداً

ثانياً

و مثل ماقلت بالبدايه .. لاتدخلين ولا معلومه جديده قبل الاختبار بفتره قصيره .. قضّي وقتك بمراجعه الاشياء اللي سبق ذاكرتيها وخلصتي

ثالثاً

الوقت اللي يسبق الاختبار .. أفضل شي تسوينه تكلمين نفسك !!

ايه لاتستغربين و لاتطالعين بنص عين !!!

كلمي نفسك بايجابيه .. انا متوكله على الله .. انا راح انجح بتوفق .. انا ذاكرت بافضل طريقه ممكنه ..

انا مرتاحه .. انا متوكله .. انا مبسوطه .. انا اقدر اعدّي هذي المرحله وانا قدّها ان شاءالله

رابعاً

ابعدي عن كل الناس القلقين .. القلق راح يخليك تنسين المعلومات و راح تدخلين بحاله من التوتر اللي ابداً ما تنفع

خامساً

مثل ما الكتاب يقول .. خليك جالسه و لاتطلعين ع طول .. لما تسترخين وتاخذين وقتك راح تتذكرين اشياء اكثر

رغم اني هالنقطه ما احبها و دايم احط رجلي بأول شي ههههههه

سادساً

الكتاب كمان ينصح بحلّ الاسئله المقاليه اولاً

عشان تضمنين درجات المقالي ،، و لا تطيحين بخدع الاسئله الموضوعيه الي اغلب الشاطرات يخطئون فيها

و انتبهوا لنقطه ! اقروا السؤال بشوووويش .. اغلب الاخطاء تجي لما نستعجل ولانقرا السؤال زين و نجيب العيد 🙂

موفقين يارب و خلصنا سلسله المذاكره ويارب تكون مرجع حلو لكل اختار تعدونه و تدعون لي :*

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s