المقشّر العميق البي ام دي .. ليش كرهته و ليش حبيته 💕

المقشّر العميق البي ام دي .. ليش كرهته و ليش حبيته 💕

_MG_0381 PMDD

السلام عليكم و رحمة الله وبركاته

كثير .. و أقصد كثيرر تفاعلوا معي لما تكلمت عن البي ام دي .. فيه اللي سبّوه و انه ضياع فلوس و ناس متحمسين يشوفون ايش رايي

ف خلينا نشوف ايش رايي بالتفصيل

أولاً

خل اقول لكم قصتي معه

أنا شاريته من 5 سنين .. زمان زمان .. جربته مرتين و رميته كم شهر .. الصدق كرهته بشكل .. بقّع لي وجهي و حسيته مره ماينفع!

الصدق! ماكنت عارفه وش سالفته بالضبط مع اني شفت فيديوات كثير

بس بعدين عرفت شي مهم! لازم تتمرنين عليه و تاخذ يدك على قوته .. لانه قوي ! يعني تخيلوا يشفط بشرتك لجوا عشان يشيل لك طبقه منها وينظفها تنظيف عميق ! يعني شي يبيله شوي تركيز

و يناسب الشخصيات اللي تحب تهتم بنفسها بالبيت ! يعني اللي تحب تروح تنظف بشرتها دايم برا و لاتحب تحوس بنفسها أبداً ما أنصحها تشتريه

أما اللي تبي اهتمامها بنفسها يجي من عندها و بجهدها

بعد فتره طويله .. أنصحك فيه .. يعني اذا عندك مبلغ وحابه تستثمرينه ب شي ينفعك .. اقول لك ايه .. خذيه ..

انا اخذته ب 700 في فتره كانوا مخفضين عليه

—–

طريقه الجهاز

ملحوظه!

أولاً اقول لكم الشرح الكتابي ابداً مايفيد كثير .. ف شوفوا كثير بيوتيوب ، انا بإذن الله بصور لكم سناب شات و انا اسويه

الجهاز قديم عندي ف جاء ب نوعين بس ! الجديد يجي معه 3 ألوان للرؤوس (أو حسب مايسمونها ديسكات ) .. أبيض للتدريب و أخضر للبشره العاديه و  الأزرق للحساسه

بالبدايه!

لازم تكون البشره (نظيفه) يعني تكونين سوي روتين التنظيف حقك .. و قبل التونر و الترطيب تستخدمينه ! يعني كأنك بتسوين ماسك .. تكونين مجهزه بشرتك للتنظيف

و بلييززز بخفه بخفه جربوا على يدك عشان تشوفين قد ايش هو قوي .. يحتاج تتدربين عشان تشوفين كيف لازم تسرعين وهو يشفط

و بعدها جربي على جانب رقبتك ..

الكيفيه بالضبط .. تسحبين بيدك عشان تحطين الجهاز و يشفط بسهوله!

يبدا العرض في 2:30

شي مهم مررررره!!!!!!

انتبهي تعيدين على المكان بأكثر من مرتين !

وبعدها تنظفين وجهك بشوي مويه و تحطين التونر والمرطب و خلاص ! وفرتي روحه و تنظيف في مركز 🙂

_MG_0377

الجهاز يجي معه راسين واحد للوجه (النحيف) و للجسم (الكبير) و فلتر أسود يصير جوا نسيت اطلعه عشان اصوره

زي ماهو واضح استخدم الازرق بس

.. بالنهايه ! احب أذكركم

ما آنصح فيه للي ماتقدر تدفع هالمبلغ بسهوله .. و للي ماعندها مشاكل كثير في بشرتها .. وما انصح فيه للبنت الي ماتحب تحوس في نفسها بالبيت

أنصح فيه للبنت اللي عندها كذا مبلغ وحابه توفر روحاتها للمركز عشان تنظف كل شهر .. للي تحب العنايه المنزليه .. للبنت المغامره 🙂 و للي تشتكي من الرؤوس السوداء

الجهاز سبب لي علامات لاني للحين اغلط غلطات بسيطه َ! بس كلها يومين و يروح ! بس لتنظيف الرؤوس السوداء هذا حبيبي اللي ما استغني عنه !

يارب يكون هالبوست مفيد .. واستفدتوا منه لو شوي

حبيت اكون صريحه ! مو كل شي تدفعين فيه و بس .. حبيت اشرح لكم وجهه نظري بكل جديه

و بس ! أحبكم

أُورا

Advertisements

One thought on “المقشّر العميق البي ام دي .. ليش كرهته و ليش حبيته 💕

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s