تجربتي الأوليه مع تربية أرنوب (Grey)

تجربتي الأوليه مع تربية أرنوب (Grey)

IMG_5901

تجربتي و صور اكثر عن غراي أرنوبي من نوع هولاند لوب و تجربه أم تربي طفلين و أرنب 🙂

عناصر كثيره خلتني أقتنع بوجود حيوان أليف في البيت ..

لو تبحثون بس تلقون مليون مقال .. بس بدون فلسفه .. أحب وجود حياة في البيت .. و لو تقولون وش لك بالغثى و عندك أصلاً أطفال وشوله و الخ الخ

أولاً .. وجود حيوان أليف يقوي في الطفل احساس المسؤوليه

يقوى في الطفل التعاطف

يقوي فيه الاحساس بالغير و الاهتمام بشي غير النفس

او بمعنى آخر .. الايثار و حب الغيرو قريت انه يقوّي مناعة الطفل (حسب دراسات كثير قريتها) وهنا وحده من المقالات

The Benefits of Pets — They’re Good for Everyone’s Health

Experts say that children who grow up with pets are less likely to develop common allergies thanks to early exposure to certain bacteria. (Of course, some children are genuinely allergic to animals — so check on that before you take the plunge.) And some research shows that pet owners tend to get sick less often — in fact, a 2012 study determined that children who lived with dogs were generally healthier during their first year of life, with fewer respiratory problems and less frequent ear infections than kids without canines. Another pro to pets? Brushing, patting, or stroking a furry creature can lower stress levels — and that’s just as true for moms and dads as it is for kids.

يعني .. التوتر عند الطفل يخفّ .. و يقوى القلب و اشياء كثيرر

طبعاً مستحيل أربي كلب عشان السنّه  .. و ربيت قطوه قبل كذا و لا نفعتني ابداً لأسباب كثير و أهمها طفلي ماحبًها و حسيتها متطلبه كثير

ف وقع اختياري على الأرنوب الكيوت هذا ..

شريته من شاب سعودي يدير حساب على اسنتقرام اسمه @angoora1

و ماشاء الله رجل عنده حس عالي بالمسؤوليه .. يعني ابي اسأله سؤال يخص الارنب و تساؤل حتى لو سخيف يرد علي و يعطيني من وقته

و ك أم كنت جداً متخوفه على عيالي و صحتهم و كذا .. شرح لي مطولاً ان الضرر نادر و حتى لو تحسسوا عيالي في ظرف كم يوم اقدر ارجعهم

ان كان هذا كله ما اقنعكم قد ايش وثقت بالمكان اللي اخذت منه الحيوان اللطيف حقي ..

بقول لكم اهم سبب خلاني اثق بحساب انستغرامي اكثر من محلاتنا

للاسف .. عندنا في محلات الحيوانات الأليفه هوس تجاري و قله ضمير في بعضهم و ليس الأغلب

لو تروحون تشوفون قد ايش بعضهم يسكن الحيوانات في اجواء بعيده عن الانسانيه و بقل نظافه و شي سيء لأبعد حد .. و لو رحت بعد كم يوم تشتكي من شي يصرفونك اسرع شي (صارت معي شخصياً )

بالنهايه هذي حيوانات لها روح و انتوا محاسبين عليها لكن وين الضمير

عموماً نرجع للموضوع

اخذته بعد تفكير ،، ليش الارنب ؟

اول شي شرحت لصاحب الحساب ان عندي اطفال ف رشّح لي هالنوع من الارانب holland lop

اقوياء نوعاً ما و يتحملون شقاوه الاطفال .. شخصيتهم لطيفه (لان بعض الارانب صعب يألفون بسهوله حسب مابحثت )

هادئ و مو متطلب .. يحب الهدوء ويلعب لحاله بس اجتماعي بنفس الوقت

مايتطلب الكثير بس اكله و مويه و لعب كم مره باليوم 
IMG_5496

انتوا شايفين الكياته اصلاً ..

استخرت واخذته .. في 18 مارس يعني لي 15 يوم بالضبط .. و أولياً اقدر اقول اني لسه اتعلم وما عرف شي واضح

بس حسب توصيات صاحب الحساب .. الاكل مرتين يومياً .. اكله مخصص لانه عمره صغير (شهر و اسبوعين) و المويه حسب المشربيه حقته و اذا صار بطنه شوي تعبان نقطه خل في المويه مره في الاسبوع تريّحه

أطلعه كم مره في اليوم ويكون تحت اشرافي لان عنده اطفال و الارانب يلقون مخلفاتهم الله يكرمكم مو دايم يعرفون يرجعون للقفص عشان الحمام

صحيح احياناً يسويها بس الاغلب لا .. و القاه متخبي و ماخذ راحته في زاويه هههههه

بس مايوصخ ابداً والتنظيف سهل مجررد كنس او تشيلينه بمنديل

يتفاعل مع الاصوات وينبسط اذا جيت وحاكيته .. ضروري تعطينه فرصه يجيك ويشمشمك و حاولي ماتشيلينه على طول بدون مقدمات عشان مايخاف

ويبان عليه لما يخاف يبدا يصنّم و نبضات قلبه قويه و تبان عليه بحركات جسمه و تنفسه سريع

بس عموماً اخذ معي 3 ايام وبدا يألفني ،، وانا صراحه خذت وقتي ماشلته عل طول بس العب ب فروه و امسح على ظهره و راسه وينبسط و شوي شوي بدا يجي لعندي و يشمشمني وه بث

IMG_5903

و بآخر شي اقول لكم انا مو خبيره .. و قاعده اتعلم شوي شوي بس الحمدلله مبسوطه باختياري

و راح اوافيكم بالمستجدات بإذن الله

وهذي صور اكثر عشان تشوفون الكياته

IMG_5885 copy

IMG_5899

حساب الانستقرام لصاحب الأرانب @Angoora1

حساباتي في تويتر وانستغرام و سناب شات WhatAuraLoves

Advertisements

5 thoughts on “تجربتي الأوليه مع تربية أرنوب (Grey)

  1. خاااااقه ع الارانب لي سنتين تقريبا بحكم غربتي بناتي يبون كلب
    ورافضته وكل مرة اتحمس على الارنب لكني خوافه
    مااحب الطيور المسها كيف ارنب لكن شكله مره كيوت
    شايلة هم العنايه فيه
    متحسمة حيييل لمن يكبر ويتعود آكثر عليكم

  2. هاذي الانواع يبيلها عنايه خاصه
    وعن تجربه شخصيه لي انا
    شريت جميع الانواع من انجورا وفازلوب وهولاندلوب وغيرها
    جميعها تتطلب عنايه خاصه من ناحية الجو لازم درجات الحراره والبروده تكون معينه
    والمكيفات تتعبها
    وسريعة المرض
    وشعرهم لازم تمشيط يوميا
    واذا مامشطه تشابك وتلبد على بعض
    وسبب فطريات ومات الارنب
    ولازم فيتامينات ووجع راس
    وتطيعمات وتحصينات
    ولو كبرو انتاجهم صعب جدآ
    باختصار هالنوعيات يبيلهم شخص فاهم ولديه الوقت والامكانيات لتربيته
    ولاينفع للشخص العادي
    يعني تشتريه وتحطه عندك في البيت
    شهر واحد بعدها سلمني عليه ميت
    وانا انصح اي شخص يبي يشتري هالنوع او اي نوع زينه
    لايغامر ويخسر فلوسه
    الا وهو موفر جميع ماقلت وايضآ عنده خلفيه عن تربيتهم
    اما انه يشتريهم ويحسبهم مثل الارانب العاديه حطها وبس تراه غلطان
    واسعارهم عند الشخص الي ذكرت حسابه من٤٠٠ لين ٦٠٠ وبعمر شهر او اقل
    وهاذا بلا ابوك ياعقاب
    عمر شهر = موت سريع

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s