قناتي الجديده بيوتيوب + لما شفت تيم الفلاسي و تفشلت قدامها ! Taim AlFalasi’s meet and greet at Maison Bo-M

قناتي الجديده بيوتيوب + لما شفت تيم الفلاسي و تفشلت قدامها ! Taim AlFalasi’s meet and greet at Maison Bo-M

 

IMG_03092 IMG_7804 IMG_7806 IMG_7802 IMG_7800

السلام عليكم ورحمة الله وبركاته

 

كيفكم بنات .. و بالأخص المتيّمين 🙂

 

أول شي أحب أقول لكم و اسألكم.. عجبتكم الفيديوات؟؟ أكمل في يوتيوب رايكم؟ و ايش حابين أصور فيديو بعد ؟ شكراً لكل من شاف الفيديو و سوا له لايك واشتراك

 

 

نخش ف الموضوع على طول ياقماعه بئه

 

 

أول شي انا مارحت دوامي عشان عيون تيم هههه قلت ما ابي تغفى عيني او اروح وانا مرهقه مالي مزاج اليوم كله مخصصته لها

 

جهزت بدري و طلعنا .. و ع اساس أمر آخذ البوكيه الي حجزته لها و لقيتهم مسوين واحد كبر يدي و رفضت وقلت مافي وقت يسوون لي واحد ثاني 😦

 

مسكنا الطريق و وصلنا

 

كان الترتيب شي ماتوقعته .. كل شي كان حلو و مرتب و صراحه كأنها الmeet and greet

اللي اشوفها عند اليوتوبرز الاجانب

 

يعطيهم العافيه ميزون بوم و طاقم البي آر وخصوصاً العسل بثينه الي كلمتها و طمنتني اني راح القى بطاقات وان فيه وقت (

 

لما وصلنا كان شوي و أذن المغرب صلينا و رجعنا صفينا طابور ننتظرها

 

بعدين شفناهاااااا يالله شي غريب يا بنات صدق كانه كان حلم غريب .. شخصيه حبيتيها وتابعتيها من بداياتها و من شده تواضعها وقربها للقلب تحسبينها صديقه لكل الفانز حقينها مو بس تورينا حياتها

 

لا كآنها تسولف على صحباتها كلهم

 

بس صراحه ضاق صدري من التصوير يهتز كثير لاني مزوومه العدسه مره مابي تطلع ولا بنت بالتصوير ف عشان كذا التصوير كثير مهتز بس ماعليه اهم شي الفكره واضحه صح ؟

 

و مشينا بالطابور ألين وصلنا لها و شفنا بعد امها العسوله يحليلها تهبل و كل شوي تقوم تصور بنتها صدق كانت فخوره فيها يازينهم ربي يسعدهم وكل امهاتنا يارب

 

المهم دخلت انا واختي و سلمت عليها اختي وجاء دوري و هنا جت فشيلتي

لما جيت اسلم عليها تسلطوا انواع الناس يكلمونها .. و تخيلي موقفي اروح لها بسلم و تقطعني وحده ف صرت اروح قدام وارجع وراء ٣ مرات :”) طاح وجهي صددق

 

و اول ماشفتها قلت لها ما اصدق اني اشوفك الحين لايف احسني اطالع يوتيوب ههههه بعدين قلت لها تصدقين غايبه عشانك قالت لا عاد الا الدوام

و طلبت منها تصور مع بطاقتي وياحوبي لها مارفضت يسعدها ربي

 

جد تعبت ب كميه الناس الكبيره اللي يحبونها وجايين يشوفونها ماتتخيلون كيف و لافشلت احد ابد كثير بنات يطلبون منها تسجيل فيديو و احياناً تعيد لهم التسجيل اكثر من مره

 

صدق بالاخير أحب اقول للي يسآلون وش فيها زود هالبنت ؟ فيها الشغل الي اشتغلته على نفسها من تصوير و انتاج و فيديوات

و فيه حسها الابداعي يعني صوره بايفون تطلع خياليه ف انستغرامها

و فيه ان لما اشوفها احسها انسانه طبيعيه ماتتصنع و الا تهايط باللي ربي عطاها من رزق سواءً بسفريات او او مال او حتى حب الناس لها

 

ماصارت ديفا و كبر راسها لا ابداً وهذا اللي خلاها تدخل قلوب كثير بنات

 

لان المتصنع و المهايطي سبحان الله يصير فيه صح فضول من الناس يتابعونه بس لو تشوفون الردود عليها كيف .. اما الانسان اللطيف ف الناس يحبونه بشكل مايوصف

 

يوم كان رائع و حسيت بكل لحظه فيها من احساس البنات وحبهم لها واحضانهم وبوساتهم اللي ماخلصت

 

ماقد شفت زي كذا صدق

 

الله يزيدها من فضله ومن حب الناس و من رفعه اكثر

 

وبالأخير بنات اعطوني تعليقاتكم على الفيديو و هنا بعد و سووي لي لايك و اشتراك بالقناة عشان اتحمس و اصور بعد لكم صدق متحمسه لها النقطه الجديده من التدوين

 

اليوتيوب كان من زمان نقطه كنت ابي اوصل لها و سبحان الله جت تيم وباللقاء حقها شجعتني للفوقنق و اليوتيوب ككل

 

قناتي WhatAuraLoves

ونفس الاسم بيوتيوب و بانستقرام و بالاسك بعد

 

احببببكم كلكم

 

 

Advertisements

One thought on “قناتي الجديده بيوتيوب + لما شفت تيم الفلاسي و تفشلت قدامها ! Taim AlFalasi’s meet and greet at Maison Bo-M

  1. مررة جميله مييييين قدك شفتي تيم 😱😱😱😍😍😍
    كان تعليقي الوحيد انو مافي تركيز في الفيديو الاشياء تجي وتروح بسرعة 😂
    بس خلصت الفيديو قريت التدوينة عرفت السبب😘
    يعطيك العافيه ومااافي أجمل من تيم 💗💗💞💝💜💓💖

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s