دورة وعد التركي للمكياج ❤ تجربتي الكامله

دورة وعد التركي للمكياج ❤ تجربتي الكامله

photo (1)

السلام عليكم

كيفكم بنات ؟ كيف الاجواء بعد العيد ؟؟ تأقلمتوا على جو الاستعداد للدوام او لا -نحيسه 

طبعآ زي ما عرفتوا اني سجلت وحضرت ل الدوره الخاصه ب وعد و هديل

بالبدايه أنا كنت متابعتهم من فتره و يعجبني كثير مكياجهم .. و خصوصاً مساعدتهم للبنات

و لما حصلت هالفرصه قلت مابدهاش خلينا نسجل

ما انكر كثير ناس قالوا ليه و ماله داعي .. صراحه الشي اللي فيه فايده لي ليش ما ادوره .. وبعدين بناتنا أولى من أي أحد ثاني 

و بنات ماشاء الله عليهم فاهمين و علمونا كثير و كانوا و لا أروع معنا كلنا 

نبدا من البدايه

 أولاً حضرت من ال١٠ من الحماس ما ابي اتأخر و اتعرفت على ٣ بنات يهبلون (هاي أروى و السارات 

و قعدنا متحمسين ننتظر ..

انطباعي الأول :

طبعاً البنتين جميلات و يهبلون ومكياجهم يجنن ماشاء الله 

وعد لفتتني ب قوه شخصيتها و تمكنها على الرغم من انها صغيره و كتكوته بسم الله على قلبها 

ما كانت مرتبكه ابداً ماشاء الله … 

عرفتنا على نفسها و هديل و زميلتهم نوره (هاي نوره كيفج هههه

هديل لطيفه و هاديه و كل شوي تقول لنا فاهميني بنات ههههه مخففه لنا لهجتها الكويتيه لبى قلبها

و كان كل شي ماشي مرتب و بدت لنا بكم سؤال تشوف آخطائنا فيه و فعلاً عرفت من البدايه الاخطاء اللي اسويها 

شرحت لنا على المودل (الهنوف الحلوه ) و على السبوره اساسيات المكياج من الالف للياء 

و كان الدور بينها و بين هديل .. شوي وعد تعطينا كم نقطه و بعدها هديل تعطينا كم نقطه كمان

و كانوا متقبلين اسئله البنات الي ما انتهت و كان بالهم طويل والله ! انا اتضايقت و هم ماشاء الله يجاوبون بكل اريحيه و عطونا كم سرّ من اسرار مكياجهم الحلو

يعني اي بنت تسأل بنص شغلهم يوقفون ويجاوبون ويخلوننا نكتب ملاحظات كمان

بعدها ،، خذنا بريك صلاه الظهر و بدينا نطبق على نفسنا 

و هديل و وعد ماسكيننا يشوفون اخطائنا و يعلموننا ايش اللي يناسب ملامحنا و ايش اللي لا 

و الله يا بنات ما اكذب عليكم،، قد ايش هالبنوتتين لطيفات مع البنات وبس يشجعوننا .. ما اسمع وعد الا تقول واو مرره “يسطل” شغلك روعه روعه

او تعدل لها المكياج او ترسم لها و تعلمها كيف رسمت و كذا

كنت ارسم حواجبي ب تاتو ميك اب فور ايفر و لما شافتني هديل قالت “حواجبج مره حلوات خليك على بودره الحواجب بس” ولما خلصت مكياجي مدحتني كثير كثيرر وما اكذب اني خقيت وكذا 

و طلعنا مبسوطات مثل ماقالت لنا وعد لما شافت البنات متوترات بالبدايه  

———————————-

بالنهايه احب اقول الحمدلله على الفرصه اللي خلتني اتعرف على وعد و هديل و على البنوتات العسل اللي بالدوره 

و شكراً على جمال اخلاقكم و كرمكم بالوقت و العلم 

صدق كانت تجربه ولا أروع و استفدت كثيررر و ما اكذب عليكم من بكره سويت مكياج لاختي و انبسطت من نفسي لاني بالعاده ما اسوي الا لنفسي

نقطه ثانيه 

يعني صدق استغرب من بعض البنات كيف كانوا يحكون عن وعد وانها شايفه نفسها وكذا!! يعني البنت مسويه فيديوات تشرح لكم على انستغرامهم

 .. ببلاااااش !! وتشرح لكم بصوتها كمان ،، وكثير تجاوب على تساؤلاتكم ..

متخيلين بنات اننا قاعدين نستخدم مكياج هديل و وعد الخاص ؟؟ يعني قد ايش البنات عسل مدري؟

 ايش اللي تغير بمكياجي؟

صار مكياجي أكثر نظافه و صرت أغامر أكثر في مكياج السهره! أول اخاف مره وما قد سويت مكياج سهره ملفت دايم شي بسيط

بس الحين عرفت كيف اثقل للسهرات ويصير شي جميل و مميز بدون تخبيص 🙂

ف بليز خليكم ارقى و شوي نخاف على مشاعر البعض

يعني بدل لانفرح لنجاحات بعض 🙂 

وعد .. انا فخوره ف بنت مثلك .. يارب اشوفك من هالنجاح وأحلى

هديل .. حبيتك كثير و نورتونا يابنات الكويت صدق انكم عسل وتدخلون القلب

احبكم :********

اشوفكم على خيررر

Advertisements

2 thoughts on “دورة وعد التركي للمكياج ❤ تجربتي الكامله

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s