أُورا تسولف 4 : رمضان لنصوم

أُورا تسولف 4 : رمضان لنصوم

photo 1

 

السلام عليكم و رحمه الله وبركاته

كيفكم بنات .. وش اخباركم

رجعنا نهذر ونسولف و مثل كل مره يا رب محد ياخذ بخاطره مني

بالبدايه بوريكم منظر يمكن ٩٩٪ منكم شافوه هالايام

 

 
photo 1 (1)

 

 

وش رايكم؟ مو شي يخوف!

ب قناعة الأغلبيه مهما حاول يكابر و يتفلسف .. رمضان للأكل و الحلى و الفيمتو .. مثل مالدعايات حقت الزيت و الفيمتو فهمتنا .. نشتري زيت عشان المقالي و فيمتو عشان .. نطفح

بغض النظر عن كل ما في رمضان من بركه و أجر و كل الأمور الي احنا عارفين .. انا ما أبي اتطرق للجانب الديني .. أبي نحكي عن ثقافه الأكل برمضان ، و الأكل عموماً

انتوا عارفين ان المملكه ٣ بلد على مستوى العالم بالكسل ! 🙂 شي مره يفرح

ليش نتعامل مع رمضان مع ثقافه الحرمان .. أساساً الان مع هالحر نصحى متآخر وعلى بال مانتفلسف و نصحى و نروق ناكل حول المغربيه (يمكن أنا بس) على العموم أنا راح افكر ان الوضع ماتغير واكمل طريقي

مارح نموت من الجوع ان شاء الله .. ربي منعم علينا من مجاميعه ماشاء الله

من كم يوم أحكي مع صحبات النادي و صحبات اللياقه عن سالفه السمبوسه و الفيمتو .. في بنات صدق شوي ويبكون (كيف يعني رمضان وما آكل سمبوسه و لا أشرب فيمتو!) ليش لا يختي

احنا جيل جديد جيل مثقف عندك قوقل يختي ابحثي (مضار الفيمتو) لحاله وشوفي وش بيطلع لك .. والا اقري في انستقرام

 (theDietNinja) 

Screen Shot 2014-06-28 at 2.09.12 AM

(تجاهلوا كميه الصفحات المفتوحه ههههه)

الله يعطيه العافيه استفدت منه كثير

يعني نصوم و نفتح ريقنا على حلى و فيمتو !! ياساتر ايش القنابل هذي .. والله اني احس بغثيان وتقلب معدتي و تنسد نفسي اذا اكلته بعد فطوري

 الحمدلله الحمدلله و ماشاء الله بيتي الصغير مشيته على نظام رمضان مثله مثل كل يوم بالسنه من ناحيه الاكل و يمكن افضل يعني كميه سوائل اكثر و شوربات اكثر

ومثل ماقال الدكتور خالد النمر photo 2

اعقدوا صفقه مع انفسكم و المستفيد انتوا اولاً واخيراً من جهه عبادتكم و صحتكم

باي للكلسترول باي للسكر و باي للخمووووول اللي يصيب الجميع بعد المصايب اللي تتهبب على السفر

و لاتتعذرون ان اهاليكم كذا تعودوا و بلا بلا .. لاتجوعون انفسكم و لاتحرمونها .. الشي يجي بشووويش مو حبه وحده

طيب تسآلونني وش نسوي ؟؟

بدلي الفيمتو و الحلى ب عصير صحي حلو او سموذي

صدقوني بتحسون بشبع

عقبه شوربه شوفان مليانه خضار و الي تبون عقبه

و قبل الفطور او بعد التراويح رياضه تحرقون فيها كل الي اكلتوه وكل الي متخزن في اجسامكم

الحمدلله من ايجابيات هالحر ان بيصير لنا نفس على المشروبات ف حطوا حيلكم بالعصيرات و غيرها

و هذا الحكي لي قبلكم كلكم

كلنا ربينا على نفس الحكايه ترا .. بس جاء الوقت اللي كل شي يتغير

﴿إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ﴾

و بالاخير اقول لكم .. الله يبارك لي ولكم في رمضان و يجعلنا من صيّامه و قيامه

ان شاء الله حبيتوا هالبوست واستفدتوا منه وياريت تدعموني بريتويت

شكراً لكم على متابعتكم و حابه اسمع آرائكم وتعليقاتكم وأسإلتكم

خليكم بالقرب حبيباتي

فرش سيجما     http://www.sigmabeauty.com/?Click=558073

My twitter @whatauraloves

My E-mail  whatauraloves@yahoo.com

My Instagram @whatauraloves

My ASK.FM WhatAuraLoves

Love ya 😊😘

أُورا الي تحبكم 

AURA🎀

photo 2

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s