أُورا تسولف٣: الانستغرام يجيب الاكتئاب !

أُورا تسولف٣: الانستغرام يجيب الاكتئاب !

أُورا تسولف ٢
أُورا تسولف ٢

 

السلام عليكم،

قبل ما ابدا .. احب اشكر TheJulyBoom

حبيتها من حلاوة روحها و جماليه التقاطاتها

لفت نظري انها تتجاوب مع اي سؤال او تعليق اسئله بتفصيل طويل و مفيد

جا اليوم الي كتبت فيه أُورا تسولف٢: لما أعرس

شجعتني و كلامها جدا حمسني و ماتوقعت تشجيعها

(يلوموني بهل الامارات)

 

بسم الله نبدا تقطيع خخخ

( قبل ما ابداا بليز حطوا في بالكم .. لستُ كامله و لا أدّعي الكمال .. “ان أصبت ف من الله  و ان أخطأت فمن نفسي و الشيطان و بكرر هالكلام دائماً .. كتاباتي نقد ل ذاتي أولاً تقبلوها ب صدر رحب و شكرا وحبه على خشومكم ههه)

مشهدين : الأولى وحده منسدحه بالبيت.. من صحت و هي معبّسه .. تقهووا خواتها ماتبي.. امها تبي تسولف معها تهاوشها وترفع صوتها عليها .. تعالي ساعدي بالبيت .. و ليش فيه شغاله  و بالاخير تقّلب بالانستغرام و تهاوش (كششش هذي الناس الي عايشه موب احنا)

الثانيه: نفس البنت بس صحت مروقه .. صلحت نفسها و نزلت تصلح القهوه .. ابتسامتها على وجهها دائماً .. تساعد الكل و قلبها على الكل .. صلحت حلى و حطته بانستغرام و كتبت الله لايخليني من اهلي

 

الحين بسألكم ؟ وش الفرق بين الثنتين ؟ وهل البنت الأولى موب عايشه زي ماهي تقول ؟ و هل البنت الثانيه تتفشخر بانستغرام و بس

و على قولنا (تسوي يعني اني) و تترزز وتراني سنعه؟

 

الحين هذولي الثنتين صبايا حلوات بعزّ شبابهم .. أقصى مشاكلهم تبي جوّال جديد مثل ساره و الا تبي تنام عند بنت خالتها و رافضين اهلها

بعدين يكبرون الثنتين و تكبر مشاكلهم .. الفرق الي راح نشوفه .. الأولى تقبلها للمشاكل يكون بتسخّط و سلبيه و يروح عمرها تتشكى و الناس تكرهها اكثر واكثر و راح تبيّن أكبربعمرها

غير الحسد الي فيها للناس

الثانيه: راح تواجه امور حياتها و مشاكلها بوجه متفائل و قويّ .. انسانه تحب الناس و تحب نفسها و تدللها .. راح تعيش حياتها ب شكر و حمد و ان شاء الله ربي يعطيها على نبيتها

 

طيب حديث الرسول صلى الله عليه وسلم يقول:

( نعمتان مغبون فيهما كثير من الناس : الصحة والفراغ ) 

الحين انتي بصحتك و عافيتك و فااااضيه .. بعد كم سنه كل هذا راح يتغيّر

الأساس انتي .. ك روح الله خالقها .. طيبي نيّتك و عيشي حياتك ليش مطيّنتها بئه!

 

اللي عنده شكّ ان فيه ناس عايشه و ناس لا..

أسألكم سؤال .. تشكون في عدل الله في توزيع الأرزاق ؟

 

شوفوا لي هالفيديوات :*

 

الانستغرام مو هو الي يجيب الاكتئاب .. للأسف انتم! ايه و تفكيركم و سوداويتكم

 

بدل ما تبحبشين ورا الناس صلحي لك حلى و صوريه وحطيه طيب 🙂 ادعي لهم بالرزق عشان المَلَك يقول ولَكِ مثله .. صفّي نيتك عشان الله يرزقك (وعلى نياتكم ترزقون)

موضوع الاكتئاب حساس بالنسبه لي .. مريت بأيام المراهقه ايام سوداء

 

انا اللي جبتها لنفسي .. قبل اروح المدرسه اسمع اغاني حزينه كني بروح للموت ! و اقعد اصيح وانا رايحه وجايه .. و اذا رجعت نمت بسريري الى بكره

ضاع فتره من عمري و السبب الفراغ .. الحمدلله ان هذيك الفتره عدّت

و انا ما ابي حبيباتي يصير فيهم مثلي ..

 

ايامكم هذي غاليه .. الحمدلله كل يوم على صحتكم .. والديكم .. أطفالكم .. أكلكم .. شربكم .. سريركم .. أمانكم اللي عايشين فيه

{لَئِنْ شَكَرْتُمْ لَأَزِيدَنَّكُمْ}

 

الله يفرّج على كل مسلم عايش بدون هذي الاشياء

اخواننا المسلين بكل مكان

 

(كنّي ضيّقت صدوركم شوي هههه) ايه فكروا بغيركم شوي اف خخخخخ

 

شاركوني النقاش و علموني آرائكم ..

Mytwitter@whatauraloves

MyE-mail  whatauraloves@yahoo.com

MyInstagram@whatauraloves

MyASK.FMWhatAuraLoves

صديقتكم

أُورا الي تحبكم

Advertisements

One thought on “أُورا تسولف٣: الانستغرام يجيب الاكتئاب !

  1. وعليكم السلام
    ياليتني اصيير البنت الثانية. 🙂
    اي والله صادقة، بس اتوقع في كل عمر المشاكل الي تواجههم هي كبيرة بالنسبة لهم وكل ماكبر الواحد يتغير وحجم تقديرة للمشاكل يتغير كمان،
    على اني مو كبيرة مرة خخخ بس جد لما أتذكر نفسي في مواقف معينة اقعد اتحمد واقول ياليت ارجع لهالموقف وبعقلي هذا \\طريقة تفكيري حالياً // بس عشان اغير تصرفي
    الحمدلله عالصحة مايحس الواحد بالنعمة الا لما تصيرحاجة،الفراغ وسوء تنظيم الوقت من اكبر مشاكلنا،عن نفسيفي اوقات جدد احب اعاند نفسي فراغ على ان فيه مليون شغلةماسويتها
    عندك حل :-)؟
    اللهم لك الحمد والشكر على نعمك التي لاتعد ولاتحصى

    دمتي سالمة. @):-

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s