أُورا تسولف ٢: لما أعرس

أُورا تسولف ٢: لما أعرس

photo (1)
مرحبا حبيباتي ..

كثير عجبهم موضوعي حق السواليف الاول ..

ف قلت خليني اكمل لكم مافيني من بربره و سواليف

ملحوظه ،، بالنسبه لموضوع Ask Aura ..

الاسئله الشخصيه راح اجمعها و أجيب عليها هنا عشان الكل يستفيد

للي مو عارف يشوف الموضوع هذا

أُورا تسولف ١ .. و إعلان !!!!

         يلا نقرررا

 

 

اذا انتي بنت و ما تهتمين بنفسك ف أنتِ كسوله .. بس بنت و ماتهتمين بنفسك و سلبيه و تجيبين النكد وش نقول هنا؟

أعرف لكم وحده و متزوجه ابشركم و نقول لها ورا ماتتزينين تقول استحي !

و الثانيه تقول مافي وقت .. و الثالثه تقول مايستاهل .. و الأخطر الي تقول ما احب ولا لي مزاج!

و طبعاً مو معناها اللي تتزين المتزوجه بس خطأ .. كل أنثى تحب الروج من هي توها نقطه و تبدا تطول تسريحة أمها

هذولي أعلاه اعتبرهم قمة في الكسل .. و نتائج تربيه خاطئه .. مثل حقين اللي (وزوا المواعين الزينه للضيوف!) طيب وانتم؟ طول السنه على مواعين أبو كلب و اذا جت للضيوف الي ماعاد صاروا يجون الي بالسنه حسنه أصلاً

و مثل الي تقعد ب بجامتها كم يوم و خصوصاً قدام زوجها و لا تلبس الملابس الي مكومتها بالدولاب للضيوف و الناس 

غير المكياج الي هوو الطامّه الكبرى .. وحده متزوجه لك ١١ سنه يعني بالثلاثين تقريباً تقول ما احط الا ماسكرا و روج ؟ كيف يعني ؟ والبشره كذا حاف؟ طيب حطي كونسيلر ،،ارسمي حواجبك .. غيري بمكياجك طيب 

و موب تقولون أُورا وش هالتفلسف الي يشوفك مشخصه ٢٤ ساعه ! لا طبعاً مافي أحد كامل .. بس الفطره فينا كلنا (نساء او رجال) حب الجمال. حب التزيّن .. حب السعاده وين ماكانت

الدنيا دروس و كل يوم اتعلم شي جديد .. مثال بسيط لما جاني اطفالي تعلمت اجهز طبخي ليومين قدام .. بالصواني و بالثلاجه 

تعلمت ان اي شي مستحيل كنت اشوفه وانا عزابيه من تحمّل مسؤوليه بيت كامل شي من روتيني الآن

 

و تعلمت أوازن نفسي و بيتي (بعد مابغيت آشق هدومي بالبدايه ههههه) كل شي يتغير بيوم وليله .. لذلك كسلك و نظرتك لحياتك بليز غيريها

 

كيف تستحين من التزيّن .؟ ليش حُب الجمال صار يجيب الحياء

الله جميل ويحب الجمال .. و اذا انتي ما اهتميتي بنفسك مين يهتم فيك يابعدي؟ والله مايحتاج لها مصيبه .. مرطب ملون او بي بي كريم موب لازم فاونديشن و شويه ماسكرا و كحل مموّه و روج و انتهينا ..

و هذا لاتخلينه كل يوم يوم كذا و يوم كذا .. شفتي نفسك طفشانه اشغلي نفسك بالمفيد و اتعلمي 

والله اني مع هالزمن العجيب تعلمت اشياء كثير خصوصاً بالعنايه بشكلي و لسه قاعده اتعلم

 

 وتعطري لعمرك تكفين لاتخلين العطر يخيس ماتعطرتي به .. او تخلينه مثل المواعين (للضيوف بس*).

 

و من هنا نشوف صاحبتنا (لما أعرس) منهي ذي الانسانه؟

 

هذي الي اذا قلتي لها حطي شوي ميك اب سنعي وجهك ،، لما اعرس فاااضيه الحين 

طيب شيلي وجهك .. لما اعرس فاضيه ارهّل بشرتي 

طيب تعلّمي تطبخين .. لما أعرس ! ياهوه 

هو انتي مارح تصيرين آدميه الا لما يجي هالمعرس ؟

 

طيب وانتي حياتك وكيانك و أنوثتك اذا انتي ما اعتنيتي ف نفسك .. ف راح تصيرين مثل الورده الذبلانه .. الله ماخلق الدنيا ب يوم ! كل شي يجي بشويش و بالتدرب 

 

انتي اللي متعايشه مع نفسك .. ياتصيرين مثل الورده من جوا تعطرين نفسك و غيرك والا راح تذبلين و راح يبّين من عصبيتك و اكتئابك و غيرها كثير

الانسان وُلد وحده و راح يموت وحده

 

و خل نشوف صاحبتنا ذي (لما آعرس) لما صدق تعرس بتتسنع أو لا .. و أحب ابشّرها ن من شبّ على شي شاب عليه 

حبّوا انفسكم بليز .. الله خلقنا ل شي أعظم من اني اربط سعادتي ب رجل .. وظيفه .. صديقه .. غيرها كثير 

..

 

 شطحه : لما أصحى من النوم .. احياناً كثير ماودّي اتحرك من السرير وابي انسدح وبس .. بس لما جربت اني لما اصحى اذكر الله و ابتسم 🙂 سبحان الله كل يومي يطلع حلو و ايجابي 

خليكم ايجابيين .. ابتسموا في أصعب الظروف تلقون الصدقه و الأجر

من الحين أقول لكم .. الانسان الي موب سعيد من داخله .. والله مايلقى السعاده

 

يلا خليني اشوف الابتسامات الحلوه (عيون تلاقط) أحبكم :*

أُورا الي تحبكم

 

My twitter @whatauraloves

My E-mail  whatauraloves@yahoo.com

My Instagram @whatauraloves

My ASK.FM WhatAuraLoves

Advertisements

4 thoughts on “أُورا تسولف ٢: لما أعرس

  1. وااافقك الرأي وبشدة،، احس صدق ان مشاعر الناس مثل الفيروسات تنتقل لك لما تقربين منهم،
    ««««مافي علاقة بس احس كذا الحين هههه
    اكرة جملة سمعتها بحياتي #لما تعرسين# كأني بس مخلوقة عشان اتزوج هه وحياتي الحين وش اسوي بها!! هه
    الحياة قصيرة وقيدنا أنفسنا وقيدوا انفسهم بالعرس!! يارجل!!!
    ترا عصبت ههه
    ا مرة جميلة
    والمزيد من مواضيع النقاش الشيقة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s